"Kal phir aaye the tum…"

 

Vahi adhure se pal the,
Aur kuch meri tanhai bankar,
Chup kar us jharokey se,
Kal phir aaye the tum,

Baithe the tasubur me tumhare,
Us dhalti rain me hum jab,
Saja kar mann ko mere,
kal phir aaye the tum,

Thi muskaan vahi halki si,
Jab mujhe dekh rahe the tum,
Jaise keh rahe the mujhse kuch,
Aese kal phir aaye the tum,

Doobe tumhari tasveer me,
Pyase the jo arse se,
Baras pare the vo nain tab,
Jab kal phir aaye the tum,

Khil uthin thi kaliyaan bhi,
Us raat ke andhere me,
Jag gaye the rang sabhi,
Jab kal phir aaye the tum,

Tum the bas vahan par,
Dekha kiya bas tumhein humney,
Need kahan jagti phir ab,
Aur kal phir aaye the tum,

Jana tha ab tumhein,
Sandesha laai kehti thi hawa,
Chubnay laga tha ujaala,
Raat pyari thi humein,
Kal jab aaye the tum,

Phir band kar li thi humnein palkey,
Tumhein jata dekh saansein thamti thi,
Mur kar kahan dekha tab bhi tumnay,
Bheegi palko se dhundh rahe the hum,
Jab kal phir aaye the tum…



Loves & Cares
Neha Sen